1 Pedro 4

1 Kung paano ngang si Kristo ay ^anagbatá ¹sa laman, ay ²sandatahan din naman ninyo ang inyong mga sarili ng ³gayunding kaisipan, sapagka’t siya na ⁴nagbatá sa laman ay tumigil na mula sa ⁵kasalanan,

2 ¹Upang huwag na kayong mamuhay sa mga pita ng mga tao sa inyong nalalabing panahon sa laman, kundi sa kalooban ng Diyos.

3 Sapagka’t na ang nakaraang panahon upang gawin ang ¹hangad ng mga Hentil, na lumakad sa ²kahalayan, sa mga masamang pita, sa mga paglalasing, sa mga kalayawan, sa mga pag-iinuman, at sa mga ³labag sa batas na pagsamba sa mga diyus-diyusan,

4 ¹Ikinatataka nila ang bagay na ito na kayo ay hindi ²nakikitakbong kasama nila sa gayong ³pagpapakalabis ng kaguluhan, kung kaya’t kayo ay ⁴pinagsasalitaan ng masama;

5 ¹Na sila ay ²magbibigay-sulit sa Kanya na handang ³humatol sa mga buháy at sa mga patay.

6 Sapagka’t dahil dito ay ipinahayag din noon ang ebanghelyo sa mga ¹patay, upang sila ay ²mahatulan ayon sa mga tao sa laman, datapuwa’t mangabuhay sa ³espiritu ayon sa Diyos.

7 Nguni’t ang ¹wakas ng lahat ng mga bagay ay malapit na; kayo nga ay ²magpakahinahon sa kaisipan at ³magpakahinahon sa mga panalangin,

8 Na una sa lahat ay maging maningas kayo sa inyong pag-iibigan, sapagka’t ang pag-ibig ay nagtatakip ng maraming kasalanan.

9 Na mangagpatuluyan kayo sa isa’t isa nang walang bulung-bulungan,

10 Na ayon sa kaloob na tinanggap ng bawa’t isa, ay ipaglingkod sa inyu-inyo rin na gaya ng mabubuting katiwala ng ¹iba’t ibang biyaya ng Diyos.

11 Na kung ang sinuman ay nagsasalita, gaya ng sa mga ¹orakulo ng Diyos; kung ang sinuman ay naglilingkod, gaya ng sa kalakasang ²itinutustos ng Diyos; upang ang Diyos ay maluwalhati sa lahat ng bagay ³sa pamamagitan ni Hesu-Kristo, na sa ⁴Kanya ang ⁵kaluwalhatian at ang kapangyarihan magpakailanman. Amen.

12 Mga minamahal, huwag kayong ¹magtaka tungkol sa ²tila apoy na mahigpit na pagsubok sa inyo, na dumarating sa inyo upang kayo ay ³subukin, na waring ang nangyayari sa inyo ay ¹kataka-takang bagay;

13 Bagkus kayo ay magalak, sapagka’t nakikibahagi kayo sa mga pagdurusa ni Kristo, upang sa paghahayag ng Kanyang kaluwalhatian kayo naman ay magalak nang labis na galak.

14 ¹Kung kayo ay inalipusta dahil sa ²pangalan ni Kristo, kayo ay pinagpala, sapagka’t ³ang Espiritu ng kaluwalhatian at ng Diyos ay ⁴nagpapahingalay sa ibabaw ninyo.

15 Huwag mangyari na ang sinuman sa inyo ay magdusa ng gaya ng mamamatay-tao, o magnanakaw, o manggagawa ng masama, o gaya ng ¹mapanghimasok sa mga bagay ng iba;

16 Nguni’t kung ang isang tao ay magbatá bilang isang ¹Kristiyano, huwag siyang mahiya; kundi ²luwalhatiin niya ang Diyos sa pangalang ito.

17 Sapagka’t dumating na ang panahon para sa ¹paghuhukom na magsimula sa ²bahay ng Diyos; at kung sa atin, ³ano kaya ang wakas ng mga ⁴hindi nagsisitalima sa ebanghelyo ng Diyos?

18 At kung ¹ang matuwid ay ²makaliligtas nang may kahirapan, ³saan kaya magsisiharap ang di-makadiyos at ang makasalanan?

19 Kaya’t ang ¹nangagbabatá naman ayon sa ²kalooban ng Diyos ay ³ipagkatiwala ang kanilang mga ⁴kaluluwa sa ⁵paggawa ng mabuti sa tapat na ⁶Lumalang.