1 Pedro 2

1 ¹Kaya’ t sa pag-aalis ng lahat ng ²kasamaan at lahat ng pandaraya at pagpapaimbabaw at mga pananaghili at lahat ng paninirang-puri,

2 Gaya ng mga ¹bagong silang na sanggol, nasain ninyo ang ²walang dayang gatas ³ng salita, upang sa pamamagitan nito ay ⁴magsilago kayo ⁵sa ikaliligtas,

3 Kung inyong ¹natikman na ang Panginoon ay ²mabuti;

4 Na kayo ay magsilapit sa Kanya, na isang ¹Batong buháy, na itinakwil na ng mga tao, datapuwa’t sa Diyos ay hirang, ²minahalaga,

5 Kayo rin naman, na gaya ng mga ¹batong buháy, ay ²itinatayong isang ³espirituwal na ⁴bahay, upang maging isang ⁵banal na ⁶pagkasaserdote, na sa pamamagitan ni Hesu-Kristo ay maghandog ng mga ⁷espirituwal na hain na katanggap-tanggap sa Diyos;

6 Sapagka’t ito ang nilalaman ng Kasulatan: Narito, Aking inilalagay sa Sion ang ¹isang Batong hirang, isang ²panulok na Batong ³minahalaga, at ang sumasampalataya sa Kanya ay hindi mapapahiya.

7 Sa inyo ngang mga nananampalataya, Siya ay ¹mahalaga; datapuwa’t sa mga hindi nananampalataya, Isang Batong itinakwil ng mga ²tagapagtayo, Ito ay ³naging pangulo ng panulok;

8 At, Isang Batong ¹katitisuran at Batong pambuwal; sila ay natitisod sa ²salita, palibhasa ay mga suwail, na ³dito rin naman sila itinalaga.

9 Datapuwa’t kayo ay isang ¹lahing hirang, isang ²maharlikang pagkasaserdote, isang bansang ³banal, isang ⁴bayang pag-aaring sarili ng Diyos, upang inyong ⁵ipahayag ang mga ⁶kagalingan Niyaong tumawag sa inyo mula sa ⁷kadiliman tungo sa Kanyang kagila-gilalas na ⁷liwanag;

10 ¹Na dati-rati ay hindi isang bayan, datapuwa’t ngayon ay bayan ng Diyos; na noon ay hindi nagsipagtamo ng awa, datapuwa’t ngayon ay nagsipagtamo ng awa.

11 Mga minamahal, ipinamamanhik ko sa inyong tulad sa mga manlalakbay at nakikipamayan na magsipagpigil kayo sa ¹masasamang pita ng laman, na nakikipaglaban sa ¹kaluluwa,

12 Na kayo ay magkaroon ng ¹gawi ng buhay na ²magaling sa gitna ng mga Hentil, upang, sa mga bagay na sinasalita nila laban sa inyong tulad sa nagsisigawa ng masama, dahil sa inyong mabubuting gawa na kanilang nakikita, ay luwalhatiin nila ang Diyos sa araw ng ³pagdalaw.

13 ¹Kayo ay pasakop sa bawa’t pantaong ²institusyon ³alang-alang sa Panginoon, maging sa hari na kataas-taasan,

14 O sa mga gobernador na isinugo niya para sa paghihiganti sa nagsisigawa ng masama at sa kapurihan ng nagsisigawa ng mabuti;

15 Sapagka’t siyang kalooban ng Diyos, na dahil sa paggawa ng mabuti ay inyong mapatahimik ang kamangmangan ng mga ¹taong hangal;

16 Na gaya ng mga laya, at ang inyong kalayaan ay hindi ginagamit na balabal ng kasamaan, kundi gaya ng mga alipin ng Diyos.

17 Igalang ninyo ang lahat ng mga tao. Ibigin ninyo ang ¹pagkakapatiran. Matakot kayo sa Diyos. Igalang ninyo ang hari.

18 Mga alila, kayo ay magsipasakop na may buong ¹pagkatakot sa inyong mga panginoon, hindi lamang sa mabubuti at mahihinahon, bagkus din naman sa mga baluktot.

19 Sapagka’t ito ay ¹biyaya, kung dahil sa ²budhing ukol sa Diyos ay magtiis ang sinuman ng mga kalumbayan, na magbatá nang ³di-matuwid.

20 Sapagka’t anong kapurihan nga, kung kayo ay nagkakasala at kayo ay tinatampal, ay inyong tanggapin na may pagtitiis? Nguni’t kung kayo ay gumagawa ng mabuti at kayo ay nagbabatá, ay inyong tanggapin na may pagtitiis, ito ay biyaya sa Diyos.

21 Sapagka’t sa ¹ganitong bagay kayo ay tinawag, sapagka’t si Kristo man ay nagbatá dahil sa inyo, na kayo ay iniwanan ng ²halimbawa upang kayo ay magsisunod sa mga hakbang Niya;

22 Na Siya ay hindi nagkasala, o kinasumpungan man ng daya ang Kanyang bibig;

23 Na, nang Siya ay alipustain, ay hindi gumanti ng pag-alipusta; nang Siya ay nagdusa, ay hindi nagbanta, kundi patuloy na ipinagkakatiwala ang ¹lahat sa Kanya na ²humahatol nang matuwid;

24 Na Siya Mismo ang ¹nagdala ng ating mga kasalanan sa Kanyang katawan sa ²kahoy, upang ³pagkamatay natin sa mga kasalanan ay ⁴mabuhay tayo sa ⁵katuwiran; na dahil sa Kanyang mga ⁶sugat ay ⁷nagsigaling kayo.

25 Sapagka’t kayo ay gaya ng mga tupang naliligaw, datapuwa’t ngayon ay ¹nagsibalik na sa ²Pastol at ³Episkopo ng inyong mga ⁴kaluluwa.