1 Pedro 1

1 Si ¹Pedro, na ²apostol ni Hesu-Kristo, sa mga ³hinirang na ⁴nakikipamayang nasa ⁵pangangalat sa ⁶Ponto, Galacia, Capadocia, Asia, at Bitinia,

2 ¹Ayon sa ²paunang-kaalaman ng Diyos Ama, sa ³pagpapabanal ng Espiritu, ⁴tungo sa ⁵pagtalima kay Hesu-Kristo at ⁶pagwiwisik ng dugo Niya: ⁷Biyaya at ⁸kapayapaan nawa ang sa inyo ay ⁹maparami.

3 ¹Pagpalain nawa ang ²Diyos at Ama ng ating Panginoong Hesu-Kristo, na ayon sa Kanyang malaking ³awa ay ⁴nagsilang na muli sa atin ⁵tungo sa isang ⁶buháy na pag-asa ⁷sa pamamagitan ng pagkabuhay na muli ni Hesu-Kristo mula sa mga patay,

4 ¹Tungo sa isang ²manang ³di-nasisira at walang dungis at di-kumukupas, na ⁴inilaan sa mga kalangitan para sa inyo,

5 Na ¹iniingatan ²ng kapangyarihan ng Diyos ³sa pamamagitan ng pananampalataya ⁴tungo sa ⁵kaligtasan na nakahandang ihayag sa ⁶huling panahon;

6 Kung ¹saan nagagalak kayo nang labis, bagama’t sa sandaling panahon sa ngayon, kung kailangan, ay pinalumbay kayo ng iba’t ibang ²pagsubok,

7 Upang ang ¹pagsubok sa inyong pananampalataya, na ²lalong ³mahalaga kaysa sa gintong nasisira at nasusubok ng apoy, ay masumpungan ⁴sa ikapupuri at ikaluluwalhati at ikararangal sa ⁵paghahayag kay Hesu-Kristo;

8 Na hindi ninyo nakikita ay inyong ¹iniibig; na bagama’t ngayon ay hindi ninyo Siya nakikita, gayunman ay inyong ²sinasampalatayanan, at kayo ay nagagalak nang labis na may di-masambit at ³puspos ng niluwalhating kagalakan,

9 ¹Na inyong tinatamo ang resulta ng inyong pananampalataya, ang ^apagkaligtas ng inyong mga ^2bkaluluwa;

10 Tungkol sa pagkaligtas na ito ay naghanap at nagsiyasat nang masusi ang mga ¹propeta, na nagsipagpropesiya tungkol sa ²biyayang darating sa inyo,

11 Na ¹nagsisiyasat kung ²kailan at anong uring panahon ginawang malinaw ng Espiritu ³ni Kristo na sumasa kanila, nang patotohanan noong una pa ang mga ⁴pagbabatá ⁵ni Kristo at ang mga ⁶kaluwalhatian pagkatapos ng mga ito;

12 Na ipinahayag sa kanila, na hindi sa ganang kanilang sarili, kundi sa ganang inyo, inihahain nila ang mga ¹bagay na ito, na ngayon ay ibinalita sa inyo sa pamamagitan ng mga ²nagsipahayag sa inyo ng ebanghelyo sa pamamagitan ng Espiritu Santo na isinugo mula sa langit; na ang mga bagay na ito ay ninanasang ³mamasdan ng mga anghel.

13 ¹Kaya’t inyong ^abigkisan ang mga baywang ng inyong kaisipan, na maging ^2bmahinahon kayo, at inyong ilagak nang lubusan ang inyong ³pag-asa sa ^4cbiyayang dadalhin sa inyo sa ^dpaghahayag kay Hesu-Kristo.

14 Bilang mga anak ng pagtalima, huwag kayong ¹mapawangis sa inyong dating masasamang pita nang kayo ay nasa kawalang-kaalaman;

15 Nguni’t ayon sa ¹Banal na Isa na sa inyo ay tumawag, ²magpakabanal naman kayo sa lahat ng paraan ng pamumuhay;

16 Sapagka’t nasusulat, Kayo ay magpakabanal sapagka’t Ako ay banal.

17 At kung inyong tinatawag na ¹Ama ang Siyang walang itinatanging tao, na ²humahatol ayon sa ³gawa ng bawa’t isa, ay gugulin ninyo ang panahon ng inyong paglalakbay sa ⁴pagkatakot,

18 Na inyong nalalamang kayo ay tinubos hindi ng mga bagay na nasisira, ng ¹pilak o ginto, mula sa inyong ²walang kabuluhang paraan ng pamumuhay na ipinamana sa inyo ng inyong mga magulang,

19 Kundi ng ¹mahalagang dugo, gaya ng sa korderong walang kapintasan at walang dungis, yaon ay, ang dugo ni Kristo;

20 Na ¹nakilala na noong-una pa bago pa man itinatag ang sanlibutan, nguni’t inihayag sa mga ²huling panahon dahil sa inyo,

21 Na ¹sa pamamagitan Niya ay nanampalataya kayo sa Diyos, na sa Kanya ay nagbangon mula sa mga patay at sa Kanya ay ²nagbigay ng kaluwalhatian, upang ang inyong ³pananampalataya at pag-asa ay mapasa Diyos.

22 Yamang ¹nilinis ninyo ang inyong mga ²kaluluwa sa pamamagitan ng inyong pagtalima sa ³katotohanan ⁴tungo sa ⁵pag-ibig na hindi pakunwari sa mga kapatid, ay magmahalan kayo nang buong ningas mula sa inyong puso sa isa’t isa,

23 ¹Yamang ^aisinilang na muli kayo, hindi sa ^2bbinhing nasisira, kundi sa walang kasiraan, sa pamamagitan ng ^cbuháy at namamalaging salita ng Diyos.

24 Sapagka’t ang lahat ng ¹laman ay gaya ng damo, at ang lahat ng kaluwalhatian nito ay gaya ng bulaklak ng damo. Ang damo ay natutuyo, at ang bulaklak ay nalalanta,

25 Datapuwa’t ang ¹salita ng ²Panginoon ay namamalagi magpakailanman. At ito ang salitang ipinahayag sa inyo bilang ³ebanghelyo.