1 Juan 4

1 Mga minamahal, huwag ninyong paniwalaan ang ¹bawa’t espiritu, kundi inyong ²subukin ¹ang mga espiritu kung sila ba ay sa Diyos, sapagka’t maraming ³bulaang propeta ang nagsilabas na tungo sa sanlibutan.

2 Dito ay nakikilala ninyo ang Espiritu ng Diyos: ang bawa’t ¹espiritung nagpapahayag na si Hesu-Kristo ay naparitong ²nasa laman ay mula sa Diyos,

3 At ang bawa’t ¹espiritung hindi nagpapahayag kay Hesus, ay hindi mula sa Diyos; at ito ay ang espiritu ng ²antikristo, na inyong narinig na darating, at ngayon ay nasa sanlibutan na.

4 Kayo ay ¹mula sa Diyos, ²mumunting anak, at inyong dinaig ³sila, sapagka’t lalong dakila ⁴Siyang nasa inyo kaysa ⁵siyang nasa sanlibutan.

5 Sila ay ¹mula sa sanlibutan; kaya’t sila ay ¹nagsasalita mula sa sanlibutan, at ang sanlibutan ay nakikinig sa kanila.

6 Tayo ay ¹mula sa Diyos: ang nakakikilala sa Diyos ay nakikinig sa atin; ang ²hindi mula sa Diyos ay hindi nakikinig sa atin. ³Mula rito ay ating nakikilala ang ⁴Espiritu ng ⁵katotohanan at ang ⁴espiritu ng panlilinlang.

7 Mga minamahal, ¹mangag-ibigan tayo sa isa’t isa, sapagka’t ang ²pag-ibig ay mula sa Diyos, at ang bawa’t ³umiibig ay ⁴ipinanganak ng Diyos at ⁵nakakikilala sa Diyos.

8 Ang hindi umiibig ay ¹hindi nakakikilala sa Diyos, sapagka’t ang Diyos ay ²pag-ibig.

9 Dito nahayag ang pag-ibig ng Diyos ¹sa atin, na isinugo ng Diyos ang Kanyang Anak, ang tanging bugtong na Anak sa ²sanlibutan upang tayo ay ³mabuhay sa pamamagitan Niya.

10 ¹Narito ang pag-ibig, hindi sa tayo ay umibig sa Diyos, kundi Siya ang umibig sa atin, at nagsugo ng Kanyang Anak na ²pampalubag-loob hinggil sa ating mga kasalanan.

11 Mga minamahal, kung tayo ay inibig nang gayon ng Diyos, nararapat naman na ¹mangag-ibigan tayo sa isa’t isa.

12 Kailanman ay walang sinumang ¹nakakita sa Diyos; kung tayo ay ²nangag-iibigan sa isa’t isa, ang Diyos ay nananahan sa atin, at ang ³Kanyang pag-ibig ay ⁴napasasakdal sa atin.

13 Sa ¹ganito ay nalalaman natin na tayo ay ²nananahan sa Kanya at Siya sa atin, na binigyan Niya tayo ³ng Kanyang Espiritu.

14 At ating nakita at pinatototohanang ¹isinugo ng Ama ang Anak bilang Tagapagligtas ng ²sanlibutan.

15 Ang sinumang ¹nagpapahayag na si Hesus ay Anak ng Diyos, ang Diyos ay nananahan sa kanya, at siya sa Diyos.

16 At ating nakilala at ating sinampalatayanan ang ¹pag-ibig ng Diyos ²sa atin. Ang Diyos ay ³pag-ibig, at ang ⁴nananahan sa pag-ibig ay ⁵nananahan sa Diyos, at ang ⁶Diyos ay nananahan sa kanya.

17 ¹Dito ay ²naging sakdal ang pag-ibig sa atin, upang tayo ay magkaroon ng ³lakas ng loob sa araw ng ⁴paghahatol, sapagka’t kung ano ang ⁵Isang yaon ay gayundin naman tayo sa sanlibutang ito.

18 ¹Walang takot sa loob ng pag-ibig, kundi ang ²sakdal na pag-ibig ay nagpapalayas ng takot, sapagka’t ang takot ay may kaparusahan, at ang natatakot ay ³hindi pa napasakdal sa pag-ibig.

19 Tayo ay umiibig, sapagka’t Siya ang ¹unang umibig sa atin.

20 Kung sinasabi ng sinuman, Ako ay umiibig sa Diyos, at ¹napopoot sa kanyang kapatid, siya ay isang sinungaling; sapagka’t ang hindi umiibig sa kanyang kapatid na kanyang nakikita, ay hindi makaiibig sa Diyos na hindi niya nakikita.

21 At ang utos na ito na mula sa Kanya ay nasa atin, na ang umiibig sa Diyos ay dapat umibig din sa kanyang kapatid.