1 Juan 3

1 ¹Masdan ninyo kung anong ²pag-ibig ang ipinagkaloob sa atin ng ³Ama, upang tayo ay matawag na mga ⁴anak ng Diyos; at tayo ay gayon nga. ⁵Dahil dito, hindi tayo ⁶nakikilala ng sanlibutan, ⁷sapagka’t Siya ay hindi nakilala nito.

2 Mga minamahal, ngayon ay mga anak tayo ng Diyos, at ¹hindi pa nahahayag kung magiging ano tayo. ²Nalalaman nating kung ³Siya ay mahayag, tayo ay magiging katulad Niya, sapagka’t Siya ay ating ⁴makikitang gaya ng ³Kanyang Sarili.

3 At ang sinumang mayroon ng ¹pag-asang ito sa Kanya ay ²nagpapadalisay ng kanyang sarili, gaya naman ng yaong Isa na dalisay.

4 Ang sinumang ¹gumagawa ng kasalanan ay gumagawa rin naman ng ²paglabag-sa-kautusan at ang kasalanan ay paglabag-sa-kautusan.

5 At nalalaman ninyo na ang Isang yaon ay nahayag upang ¹mag-alis ng mga kasalanan; at sa ²Kanya ay walang kasalanan.

6 Ang sinumang ¹nananahan sa Kanya ay ²hindi nagkakasala; ang sinumang ³nagkakasala ay ⁴hindi nakakita sa Kanya ni nakakilala sa Kanya.

7 ¹Mumunting mga anak, huwag kayong padaya kaninuman; ang ²gumagawa ng katuwiran ay ³matuwid, gaya naman ng yaong Isa na matuwid;

8 Ang ¹gumagawa ng kasalanan ay sa ²Diyablo, sapagka’t ³buhat pa nang pasimula ay ¹nagkakasala na ang Diyablo. ⁴Para rito ay nahayag ang Anak ng Diyos, upang ⁵wasakin ang mga gawa ng Diyablo.

9 Ang sinumang ¹ipinanganak ng Diyos ay ²hindi gumagawa ng kasalanan, sapagka’t ang Kanyang ³binhi ay nananahan sa kanya, at siya ay ⁴hindi maaaring magkasala, sapagka’t siya ay ipinanganak ng Diyos.

10 ¹Dito nahahayag ang mga anak ng Diyos at ang mga anak ng Diyablo;

ang sinumang hindi ^cgumagawa ng katuwiran ay hindi mula sa Diyos, at gayundin ang ^dhindi umiibig sa ²kanyang kapatid.

11 Sapagka’t ito ang ¹mensaheng inyong narinig ²buhat nang pasimula, na ³mangag-ibigan tayo sa isa’t isa;

12 Hindi gaya ni Cain, na siya ay ¹sa ²masamang isa at pinatay ang kanyang kapatid. At bakit niya pinatay? Sapagka’t ang kanyang mga gawa ay masasama, at ang mga gawa ng kanyang kapatid ay matutuwid.

13 Huwag kayong magtaka, mga kapatid, kung kayo ay kinapopootan ng ¹sanlibutan.

14 Nalalaman nating tayo ay lumabas na sa ¹kamatayan tungo sa buhay, sapagka’t tayo ay umiibig sa mga kapatid. Ang ²hindi umiibig ay nananahan sa kamatayan.

15 Ang sinumang ¹napopoot sa kanyang kapatid ay ²mamamatay-tao, at nalalaman ninyong walang mamamatay-tao ang pinananahanan ng buhay na walang hanggan.

16 Dito ay nakikilala natin ang pag-ibig, na ibinigay ng Isang yaon ang Kanyang ¹buhay dahil sa atin, at nararapat nating ibigay ang ating ²mga buhay dahil sa mga kapatid.

17 Datapuwa’t ang sinumang may kabuhayan ng sanlibutan at nakikita ang kanyang kapatid na nangangailangan at doon ay ipagkait ang kanyang ¹awa, paanong mananahan ang ²pag-ibig ng Diyos sa kanya?

18 ¹Mumunting mga anak, huwag tayong mangag-ibigan sa salita ni sa dila man, kundi sa ²gawa at ³katotohanan.

19 Dito ay makikilala nating tayo ay sa ¹katotohanan, at ²papapanatagin natin ang ating mga puso sa harapan Niya,

20 Sapagka’t kung sinisisi tayo ng ating ¹puso, ang Diyos ay lalong dakila kaysa ating puso, at nalalaman Niya ang lahat ng bagay.

21 Mga minamahal, kung tayo ay hindi sinisisi ng ating puso, tayo ay may ¹lakas ng loob sa Diyos,

22 At ¹anumang ating hingin ay tinatanggap natin mula sa Kanya, sapagka’t ²tinutupad natin ang Kanyang mga utos at ³ginagawa natin ang mga bagay na kalugud-lugod sa Kanyang paningin.

23 At ito ang Kanyang ¹utos, na manampalataya tayo sa pangalan ng Kanyang Anak na si Hesu-Kristo at tayo ay mangag-ibigan, ayon sa ibinigay Niyang utos sa atin.

24 At ang tumutupad ng Kanyang mga utos ay ¹nananahan sa Kanya, at ²Siya sa loob niya. At dito ay nalalaman natin na Siya ay nananahan sa atin, ³sa pamamagitan ng ⁴Espiritung Kanyang ibinigay sa atin.