1 Juan 2

1 ¹Mumunti kong mga anak, ang ²mga bagay na ito ay isinusulat ko sa inyo upang kayo ay ³huwag magkasala. At kung ang sinuman ay ⁴magkasala, mayroon tayong isang ⁵Tagapagtanggol ⁶sa ⁷Ama, si Hesu-Kristo na ⁸Matuwid;

2 At Siya ang ¹pampalubag-loob na handog hinggil sa ating mga kasalanan, at hindi lamang sa ating mga kasalanan, bagkus maging ng ²buong sanlibutan din.

3 ¹At sa ganito ay ²nalalaman natin na Siya ay ating ³nakikilala, kung tinutupad natin ang Kanyang mga ⁴utos.

4 Siya na nagsasabing, Nakikilala ko Siya, at hindi tumutupad ng Kanyang mga utos, ay ¹sinungaling, at ang ²katotohanan ay wala sa isang ito;

5 Datapuwa’t ang sinumang tumutupad ng Kanyang ¹salita, tunay na sa isang ito ay ²napasakdal na ang ³pag-ibig ng Diyos. Sa ganito ay nalalaman nating ⁴nasa Kanya tayo.

6 Ang nagsasabing siya ay ¹nananahan sa Kanya ay nararapat din namang na gaya ng paglakad ng Isang yaon.

7 Mga minamahal, hindi ako sumusulat sa inyo ng isang bagong utos, kundi ng ¹dating utos, na taglay ninyo ²buhat nang pasimula; ang dating utos ay ang salita na inyong narinig.

8 Muli, isang ¹bagong utos ang isinusulat ko sa inyo, ²na tunay sa Kanya at sa inyo, sapagka’t ang ³kadiliman ay lumilipas, at ang tunay na liwanag ay lumiliwanag na.

9 Ang nagsasabing siya ay nasa ¹liwanag at napopoot sa kanyang kapatid, ay nasa kadiliman pa hanggang ngayon.

10 Ang umiibig sa kanyang kapatid ay ¹nananahan sa ²liwanag, at sa kanya ay walang anumang kadahilanan ng ikatitisod.

11 Subali’t ang ¹napopoot sa kanyang kapatid ay nasa kadiliman at lumalakad sa kadiliman, at hindi niya nalalaman kung saan siya ²paroroon, sapagka’t ³binulag ng kadiliman ang kanyang mga mata.

12 Kayo ay sinusulatan ko, ¹mumunti kong mga anak, sapagka’t ²ipinatawad sa inyo ang inyong mga kasalanan dahil sa Kanyang pangalan.

13 Kayo ay sinusulatan ko, mga ¹ama, sapagka’t inyong ²nakikilala ³Yaong ⁴buhat pa nang pasimula ay Siya na. Kayo ay sinusulatan ko, mga ⁵kabataang lalake, sapagka’t inyong ⁶dinaig ang ⁷masamang isa. Kayo ay aking ⁸sinusulatan, mga ⁹batang anak, sapagka’t inyong nakikilala ang ¹⁰Ama.

14 Kayo ay aking ¹sinulatan, mga ama, sapagka’t inyong nakikilala Yaong buhat pa nang pasimula ay Siya na. Kayo ay aking sinulatan, mga kabataang lalake, sapagka’t ²kayo ay malalakas, at ang salita ng Diyos ay nananahan sa inyo, at inyong dinaig ang ³masamang isa.

15 ¹Huwag ninyong ibigin ang ²sanlibutan, ni ang mga bagay na nasa sanlibutan. Kung ang sinuman ay umiibig sa sanlibutan, ang ³pag-ibig ng ⁴Ama ay wala sa kanya;

16 Sapagka’t ang lahat ng nasa sanlibutan, ang ¹masamang pita ng laman, at ang ¹masamang pita ng mga mata, at ang ¹kapalaluan ng ²buhay, ay hindi mula sa Ama, kundi mula sa sanlibutan.

17 At ang sanlibutan ay lumilipas, at ang ¹masamang pita niyaon, datapuwa’t ang ²gumagawa ng ¹kalooban ng Diyos ay nananatili magpakailanman.

18 Mga ¹batang anak, ito ang huling oras, at gaya ng inyong narinig na darating ang ²antikristo, kahit ngayon ay ³marami nang antikristo ang lumitaw; kaya nga nalalaman natin na ito na ang huling oras.

19 Sila ay nagsilabas mula sa atin, subali’t sila ay ¹hindi sa atin; sapagka’t kung sila ay sa atin, ²nagsipanatili sana sila sa atin; subali’t nagsilabas sila upang sila ay mahayag na silang lahat ay hindi sa atin.

20 At kayo ay may ¹pagpapahid mula sa Banal na Isa, at ²nalalaman ninyong lahat.

21 Hindi ko kayo sinulatan ng dahil sa hindi ninyo nalalaman ang ¹katotohanan, kundi dahil sa ²nalalaman ninyo ito, sapagka’t alin mang kasinungalingan ay hindi sa ¹katotohanan.

22 Sino ang sinungaling kundi ang ¹nagtatatwa na si ²Hesus ay Siyang Kristo? Ito ang antikristo, na nagtatatwa sa Ama at sa Anak.

23 Ang sinumang ¹nagtatatwa sa Anak ay hindi sumasakanya ang Ama; ang nagpapahayag sa Anak ay sumasakanya rin ang Ama.

24 Tungkol sa inyo, ¹yaong inyong narinig ²buhat nang pasimula, hayaan itong manahan sa inyo. Kung manahan sa inyo yaong ²buhat nang pasimula ay inyong narinig, kayo ay ³mananahan kapwa sa Anak at sa Ama.

25 At ito ang pangakong ¹Kanyang ²ipinangako sa atin, ang ³buhay na walang hanggan.

26 Isinulat ko sa inyo ang mga bagay na ito ¹hinggil sa mga may ibig na ²magligaw sa inyo.

27 At tungkol sa inyo, ang ¹pagpapahid na inyong tinanggap mula sa ²Kanya ay ³nananahan sa inyo, at ⁴hindi ninyo kailangang kayo ay turuan ng sinuman; nguni’t kung paanong kayo ay ⁵tinuturuan ng ²Kanyang pagpapahid hinggil sa ⁶lahat ng bagay at siyang ⁷totoo, at hindi kasinungalingan, at kung paanong kayo ay tinuruan nito, ay gayon kayong ⁸manahan sa ²Kanya.

28 At ngayon, ¹mumunti kong mga anak, ²manahan kayo sa Kanya, upang kung ³Siya ay mahayag, ay magkaroon tayo ng lakas ng loob at hindi tayo ⁴mapahiya at ⁵mapahiwalay sa Kanya ⁶sa Kanyang pagparito.

29 Kung ¹nalalaman ninyong ²Siya ay ³matuwid, ⁴nalalaman naman ninyo na ang bawa’t ⁵gumagawa ng katuwiran ay ⁶ipinanganak Niya.