1 Juan 1

1 ¹Yaong ²buhat nang pasimula, yaong aming narinig, yaong aming nakita ng aming mga mata, yaong aming ³namasdan, at ⁴nahipo ng aming mga kamay tungkol sa ⁵Salita ng ⁶buhay;

2 At ang ¹Buhay ay ²nahayag, at aming nakita at pinatototohanan at sa inyo ay aming iniuulat ³ang Buhay na walang hanggan, na ⁴kasama ng Ama at sa atin ay ⁶nahayag.

3 Yaong aming ¹nakita at narinig ay iniuulat ²din namin sa inyo, upang kayo ²naman ay magkaroon ng ³salamuha sa amin, at tunay nga na ang pagsasalamuha namin ay sa ⁴Ama at sa Kanyang Anak na si Hesu-Kristo.

4 At ang mga bagay na ito ay aming isinusulat upang ang ¹ating ²kagalakan ay malubos.

5 ¹At ito ang mensaheng aming narinig mula sa Kanya at sa inyo ay aming ipinahahayag, na ang ²Diyos ay ³liwanag, at sa Kanya ay walang anumang ⁴kadiliman.

6 Kung sinasabi nating tayo ay ¹may pakikipagsalamuha ²sa Kanya at ³nagsisilakad tayo sa kadiliman, tayo ay ⁴nagsisinungaling at hindi tayo ⁵nagsisigawa ng ⁶katotohanan.

7 Nguni’t kung tayo ay ¹nagsisilakad sa liwanag, na gaya Niyang ²nasa liwanag, tayo ay ³may pakikisalamuha sa isa’t isa, at ang ⁴dugo ni ⁵Hesus na Kanyang Anak ay ⁶naglilinis sa atin sa lahat ng ⁷kasalanan.

8 Kung sinasabi nating ¹wala tayong kasalanan, ²dinaraya natin ang ating mga sarili, at ang ³katotohanan ay wala sa atin.

9 Kung ¹ipahahayag natin ang ating mga kasalanan, Siya ay ²tapat at matuwid na Kanya tayong patatawarin sa ating mga kasalanan, at ³lilinisin sa lahat ng ⁴kalikuan.

10 Kung sinasabi nating ¹hindi tayo nagkasala, ginagawa natin Siyang sinungaling, at ang Kanyang ²salita ay wala sa atin.