1 Corinto 8

1 Ngayon tungkol sa ¹mga bagay na inihain sa mga diyos-diyosan, ²nalalaman natin na tayong lahat ay may ³kaalaman. Ang ⁴kaalaman ay nagpapalalo, nguni’t ang ⁴pag-ibig ay ⁵nakapagtatayo.

2 Kung ang sinuman ay nag-aakala na siya ay may ¹nalalamang anuman, siya ay wala pang nalalaman gaya ng nararapat niyang ¹malaman;

3Datapuwa’t kung ang sinuman ay ^1aumiibig sa Diyos, ang isang ito ay ^bkilala Niya.

4 Tungkol nga sa pagkain ng mga bagay na inihain sa mga diyos-diyosan, ¹nalalaman natin na ang diyos-diyosan ay walang kabuluhan sa sanlibutan, at walang Diyos liban sa iisa.

5 Sapagka’t bagaman may mga tinatatawag na diyos, maging sa langit o maging sa lupa; gaya ng maraming diyos at maraming panginoon,

6 Nguni’t sa ganang ¹atin ay may ²isa lamang Diyos, ang ³Ama, na ⁴buhat sa Kanya ang lahat ng mga bagay, at tayo ay tungo sa Kanya; at ⁵isa lamang Panginoon, si ⁶Hesu-Kristo, na ⁴sa pamamagitan Niya ang lahat ng mga bagay, at tayo ay sa pamamagitan Niya.

7 Gayunpaman, hindi lahat ng tao ay may kaalamang ito; kundi ang ilan na hanggang ngayon ay nangamimihasa sa diyos-diyosan, ay kumakain na parang isang bagay na inihain sa diyos-diyosan; at ang kanilang ¹budhi palibhasa ay mahina ay ²nangahahawa.

8 Datapuwa’t ang pagkain ay hindi magtataguyod sa atin sa Diyos; ni hindi tayo magkukulang kung tayo ay hindi magsikain, ni hindi tayo ¹lalong mabuti kung tayo ay magsikain.

9 Datapuwa’t magsipag-ingat kayo baka sa anumang paraan ang ¹karapatan ninyong ito ay maging katitisuran sa ²mahihina.

10 Sapagka’t kung makita ng sinuman na ikaw na may kaalaman ay nakikisalo sa pagkain sa templo ng diyos-diyosan, hindi ba ¹lalakas ang kanyang budhi, kung siya ay mahina, upang kumain ng mga bagay na inihain sa mga diyos-diyosan?

11 Sapagka’t ang isang mahina ¹ay sinira mo sa pamamagitan ng iyong kaalaman, ang kapatid na dahil sa kanya ay namatay si Kristo.

12 At sa ganitong pagkakasala sa mga kapatid, at sa ¹pagkakasugat ng kanilang mahinang budhi ay nangagkakasala kayo kay Kristo.

13 Kaya, kung ang pagkain ay ¹nakapagpapatisod sa aking kapatid, kailanman ay hindi ako kakain ng ²lamang-kati, upang ako ay huwag ¹makapagpatisod sa aking kapatid.