1 Corinto 5

1 Sa katunayan ay nababalita na sa inyo ay may ¹pakikiapid, at ang ganyang pakikiapid ay wala kahit sa mga Hentil, na isa sa inyo ang nag-aari ng ²asawa ng kanyang ama.

2 At kayo ay mga mapagpalalo, at hindi kayo bagkus nangagdalamhati, upang ¹maalis sa gitna ninyo ang gumagawa ng gawang ito.

3 Sapagka’t ako, bagama’t wala sa harapan ninyo sa katawan, ngunit naririyan ¹sa espiritu, ay humatol na sa gumawa ng bagay na ito na tulad sa ako ay naririyan.

4 ¹Sa pangalan ng Panginoong Hesus, nang kayo at ang ²aking espiritu ay nangagkakatipon, na ¹taglay ang kapangyarihan ng ating Panginoong Hesus,

5 ¹Upang ang ganyan ay ibigay kay Satanas sa ²ikawawasak ng kanyang ³laman, ⁴upang ang espiritu ay maligtas sa ⁵kaarawan ng Panginoon.

6 Hindi mabuti ang inyong ¹pagmamapuri. Hindi ba ninyo nalalaman na ang ²kaunting ³lebadura ay nagpapaalsa sa buong masa?

7 Alisin ninyo ang lumang lebadura, upang kayo ay maging isang ¹bagong masa, maging gaya nga na kayo ay walang lebadura. Sapagka’t ang ating ²Paskua na si Kristo ay naihain na.

8 Kaya nga ipangilin natin ang ¹kapistahan, hindi sa pamamagitan ng lumang lebadura, ni sa lebadura man ng masamang akala at ng kasamaan, kundi sa pamamagitan ng tinapay na walang lebadura ng ²katapatan at ng katotohanan.

9 Isinulat ko sa inyo sa aking sulat na huwag kayong ¹makisama sa mga mapakiapid,

10 Hindi ang ibig sabihin ay sa mga mapakiapid ng sanlibutang ito, o sa mga sakim at mga mangangamkan, o sa mga mananamba sa diyus-diyusan, sapagka’t kung gayon ay kinakailangang magsialis kayo sa sanlibutan.

11 Datapuwa’t sinusulatan ko nga kayo na huwag kayong makisama sa kanino mang tinatawag na kapatid, kung siya ay isang ¹mapakiapid, o sakim, o mananamba sa diyus-diyusan, o manlalait o manlalasing, o mangangamkam; sa gayon ay huwag man lamang kayong makisalo.

12 Sapagka’t ano sa akin ang humatol sa mga ¹nangasalabas? Hindi ba kayo nagsisihatol sa mga ²nangasaloob?

13 Datapuwa’t sa nangasalabas ay Diyos ang humahatol. ¹Alisin nga ninyo sa inyo ang masamang tao.