1 Corinto 3

1 At ako, mga kapatid, ay hindi nakapagsalita sa inyo na tulad sa mga ¹espirituwal, kundi tulad sa mga ²sa laman, tulad sa mga ³sanggol kay Kristo.

2 ¹Binigyan ko kayo ng ²gatas upang inumin, at hindi ng ²matigas na pagkain; sapagka’t hindi pa ninyo kayang tanggapin ito noon, ³ni sa ngayon pa man ay hindi ninyo kaya,

3 Sapagka’t kayo ay mga makalaman pa. Sapagka’t samantalang sa inyo ay may mga ¹paninibugho at mga pagtatalo, hindi ba kayo ay makalaman at kayo ay nagsisilakad ayon sa kaugalian ng mga ²tao?

4 Sapagka’t kung sinasabi ng isa, Ako ay kay Pablo, at ng iba, Ako ay kay Apolos, hindi ba kayo ay mga ¹tao?

5 Ano nga si Apolos? At ano si Pablo? Mga tagapaglingkod na sa pamamagitan nila ay nagsisampalataya kayo, at sa bawa’ t isa ayon sa ipinagkaloob ng Panginoon sa kanya.

6 Ako ang ¹nagtanim, si Apolos ang nagdilig, nguni’t ang Diyos ang Siyang nagpalago;

7 ¹Anupa’ t walang anuman ang nagtatanim, ni ang nagdidilig, kundi Yaong nagpapalago, ang Diyos.

8 Ngayon ang nagtatanim at ang nagdidilig ay ¹iisa, at ang bawa’ t isa ay tatanggap ng kanyang sariling ²gantimpala ayon sa kanyang sariling pagpapagal.

9 Sapagka’t tayo ay mga ¹kamanggagawa ng Diyos; kayo ang ²bukid ng Diyos, ang gusali ng Diyos.

10 Ayon sa biyaya ng Diyos na ibinigay sa akin, katulad ng isang matalinong ¹punong-tagapagtayo ay inilagay ko ang isang pundasyon, at iba ang nagtatayo sa ibabaw nito. Nguni’t ²ingatan ng bawa’t isa kung paano ang pagtatayo niya sa ibabaw nito.

11 Sapagka’t sinuman ay hindi makapaglalagay ng ¹ibang pundasyon, maliban sa nailagay na, na ito ay si Hesu-Kristo.

12 ¹Datapuwa’ t kung ang sinuman ay magtatayo sa ibabaw ng pundasyon ng ²ginto, pilak, mahahalagang bato, ³kahoy, damo, pinaggapasan,

13 Ang gawa ng bawa’t isa ay mahahayag; sapagka’t ¹ang araw ang magsasaysay, dahilan sa ito ay inihahayag sa pamamagitan ng ²apoy, at ang apoy rin ang susubok sa gawa ng bawa’t isa kung ano yaon.

14 Kung ang ¹gawa ng sinuman na kanyang itinayo sa ibabaw niyaon ay mananatili, siya ay tatanggap ng ²gantimpala.

15 Kung ang ¹gawa ng sinuman ay matutupok, siya ay ²malulugi, gayunpaman siya ay ³maliligtas, lamang ay tulad ⁴sa pamamagitan ng apoy.

16 Hindi ba ninyo nalalaman na kayo ay ¹isang templo ng Diyos, at ang Espiritu ng Diyos ay nananahan sa inyo?

17 Kung ¹gibain ng sinuman ang templo ng Diyos, siya ay ²gigibain ng Diyos; sapagka’t ang templo ng Diyos ay ³banal, na ang ⁴templong ito ay kayo.

18 Huwag ¹dayain ng sinuman ang kanyang sarili: kung ang sinuman sa inyo ay ²nag-iisip na siya ay marunong sa kapanahunang ito, ³magpakamangmang siya upang siya ay ⁴maging marunong.

19 Sapagka’t ang karunungan ng sanlibutang ito ay kamangmangan sa Diyos; sapagka’t nasusulat, Hinuhuli Niya ang marurunong sa kanilang katusuhan”

20 At muli, Nalalaman ng Panginoon ang pangangatuwiran ng marurunong, na pawang walang kabuluhan.

21 Kaya’t huwag magmapuri ang sinuman patungkol sa mga tao, sapagka’t ang lahat ng bagay ay sa inyo,

22 Kahit si Pablo, kahit si Apolos, kahit si Cefas, kahit ang sanlibutan, kahit ang buhay, kahit ang kamatayan, kahit ang mga bagay na kasalukuyan, kahit ang mga bagay na darating; ¹lahat ay sa inyo,

23 At kayo ay kay Kristo, at si Kristo ay sa Diyos.